Shillong, Dec 5: NCERT-ni dongimin niamo pangchake D.El.Ed aro Meghalaya Teachers Eligibility Test (MTET) pass ka•gipa candidate-rangkosan sorkarini skulrango skigipani kamo rakkina man•aigen ine sorkarini parakatani ja•man, MTET pass ka•gipa saksni skigiparang, an•tangtangko kamo rakkichina sorkario dabiangtokaha.
Ia skigiparangoni saksa, Phikitbha Khariah-ni kobor ra•timgiparangna parakatani gitade, 2021 bilsini October 9 tariko ong•atanggipa MTET porikkako gimik sak 24 skigiparang seahachim indiba ia sak 24-oni saksnisan pass ka•na man•aiahachim.
Ia saksni skigiparang, NCERT-ni dongimin niam gita MTET porikkako pass ka•ahani gimin kamo rakkiako man•na nangengahachim indiba da•o ia skigiparangna kam on•aniko sorkari dontongatskaenga ineba Khariah parakataha.
Sakgipin skigipa Mary Jone Ngamlai-ni parakatani gitade, iani bidingo uamang a•dokni Education Minister Lahkmen Rymbui baksa tom•e agangrikon a•dokni ra•gatgipa NCERT-ni niamrang, chong•motan, D.El.Ed aro MTET porikkako pass ka•genchimosa sorkari skulrango skigipani kamko on•na man•gen ine parakatskaaha.
Indake ong•engon, iani bidingo sorkarina antigni somoiko uamang on•enga aro ia antignini gisepo sorkari uamangni dabianiko chu•sokatjagenchimode jingjengatanirangko dakna draatako man•gen ine ia saksni skigiparang mikrakataniko on•angaha.
