Shillong, Nov 25: West Jaintia Hills a·jani Mukroh-o obosta ong·anggipa mamlani bidingo Delhi-china doange ma·mongni Home minister-ko grongangani ja·man, a·dokni dakchakgipa skotong minister Pa Prestone Tynsong-ni dongpaanio National Human Rights Commission (NHRC)-ni Chairperson aro mande ra·ako man·na kragipa Justice Pa Arun Kumar Mishra baksana gipin memborrangko Sukrobar salo grongangenba, Mukroh-o ong·anggipa obostani chu·gimikko a·dokni skotong minister Pa Conrad K Sangma, agan-talate on·angaha.
Informed the Hon’ble Chairperson and the members that the Mukroh incident was a clear violation of human rights. Apprised them about the actions that have been taken like the Central Agency enquiry into the matter.
— Conrad Sangma (@SangmaConrad) November 25, 2022
A·selo ramram manderangni janggi gimana gita nangahani gimin ian mande jatna on·gimin bilko pe·ani ong·chongmota ine nikenba, a·sel ong·gipa a·damo je obostarangan ong·ahachim aro Assam police baksana Assam Forest Guard-rangni slai goanichi Meghalaya-oni sakbonga aro Assam Forest Guard saksa siaona sokpilahani gimin skotong minister che·em-che·em talate on·angan baksana, ia mamlani bidingo Central Agency-chi sandirokaniko dakatengani giminba Pa Sangma, NHRC-ni Chairperson aro gipin member-rangna u·iatjolaha.
Uamangko gronganganio, batanggimin salo ong·anggipa obostani bidingo nanga gita ja·kurangko de·ate NHRC-ni gita dakchakaniko on·china mol·molangan baksana, mikkangchi a·songni jeba biaprango iandakgipa obostarang ong·taijana gita a·dok ge·sa ge·gipinni sima-ari jolrango donge nitimenggipa aro chel·chakanirangko on·enggipa sipairangna namedake mikrakataniko on·na nangchongmotengani giminba skotong minister janapjolaha.
Tom·ao dongpagiparangara, NHRC-ni General Secretary, Pa Devendra Kumar Singh, NHRC-ni member Pa Rajiv Jain, Meghalaya sorkarini Home Police-ni Secretary Pa Cyril V. D Diengdoh ong·a.
