Shillong, Nov 22: Mongolbar salo, West Jaintia Hills a•jani Mukroh songo Assam police aro forest guard-rangni goanichi, Meghalaya a•dokni sakbonga manderang janggitangtangko gimaatna nangahani gimin Meghalaya sorkari, November 24 tariko Union Home Minister Amit Shah-ko grongenba, National Investigation Agency (NIA) ba Central Bureau of Investigation (CBI)-chi sandirokchina dabina tik ka•angaha.
Cabinet met today to discuss in detail the incident that happened this morning in Mukroh, West Jaiñtia Hills District based on the report presented by officials and the report from ground zero by Home Minister @LahkmenR who visited the incident spot & Mukroh village@AmitShah pic.twitter.com/hoL1kyo40T
— Conrad Sangma (@SangmaConrad) November 22, 2022
Iani bidingo Meghalaya Cabinet, Mongolbar attamo tom•e chanchirimangenba, ia a•selko sandirokna gita NIA ba CBI-na pakwatchina dabina tik ka•e donangaha.
Ia a•sel ong•anio sianggipa manderangko mande ra•pilskaani chin gita pilak sorkari official program-rangko November 30 tarikona kingking dontongatchengna gitaba Cabinet tik ka•angaha.
Ia a•selni bidingo Meghalaya Cabinet-ni chanchianggipa kamrangni gimin talataniko on•angengon, ia a•sel ong•anio so•otako man•gipa aro saknaa man•gipa nokdangrangna kalimpaaniko mesokna gita Meghalaya a•dokni pilak biaprango ong•atna tik ka•gimin festival ba manianirangko dontongatna tik ka•aha ine a•dokni Chief Minister Conrad K Sangma parakataha.
While we appeal to GoI for a Central Agency to take over the investigation, the SIT will start conducting the investigation. When the appeal is approved by GoI, the investigation will be handed to them
— Conrad Sangma (@SangmaConrad) November 22, 2022
Delhi-ona re•ange Union Home Minister-ko grongeani somoio National Human Rights Commission (NHRC)-koba gronge sorkarini report-ko on•anggen ine janapatengon, ia a•selni bidingo FIR-ko ka•ahani gimin ia a•selko sandirokna gita a•doko Special Investigation Team (SIT)-ko songgen aro ia dolko Eastern Range-ni DIG dilanggen ine Chief Minister parakataha.
Ia a•selni bidingo pilakni gitan sandirokna gita Commissions of Enquiry Act 1952-ni ning•o dingtangmancha Judicial Commission-ko songgen ineba Chief Minister parakataha.
Indake ong•engon, a•sel ong•chakgipa Mukroh songona Budbar salo, Meghalaya a•dokni Deputy Chief Minister Prestone Tynsong baksa adita sak Cabinet Minister-rang re•ange, duko ga•akenggipa nokdangrangko grongegen aro ia nokdangrangna sorkarini parakatgimin tangka paisarangko on•anggen ine u•iataha.
6. A Judicial Commission under the Commissions of Enquiry Act 1952 will be constituted to look into the incident
Tomorrow, Deputy CM, myself & a few Cabinet Ministers will travel to Mukroh village to visit the bereaved families & handover the ex gratia cheques to the families.
— Conrad Sangma (@SangmaConrad) November 22, 2022
