Shillong, Nov 30: Jaintia Hills Autonomous District Council (JHADC)-o donggipa lekkarango seani gitade Mukroh songara, Meghalaya a•dok ning•o ga•akgipa biapan ong•a ine Budbar salo, JHADC-ni chief executive membor (CEM) Thombor Shiwat talataniko on•angaha.
Mukroh songo songdongenggipa Khasirangko ‘niam gri songdonggiparang’ ine Karbi Anglong Autonomous Council (KAAC)-ni chief executive membor (CEM) Tuliram Ronghang aganahani gimin ia kattarangko JHADC-ni CEM parakataha.