Jowai, Nov 03: A·doktangko man·ani bilsi 50 gapaniko maniani bak gita, West aro East Jaintia Hills district-ni District A.H. & Veterinary Officer baksa nangrime Meghalaya Veterinary Service Association, Jaiñtia Hills Unit, Butbar salo East Jaintia Hills a·jani Latyrke songo Training Cum Workshop programme-ko ong·ataha.
Programo, West Jaintia Hills district-ni District A.H & V.O aro Meghalaya Veterinary Service Association, Jaiñtia Hills Unit-ni chairman Dr.D.I.Kjam, rimchaksoani kattarangko aganenba, da·odipetde Meghalaya a·dok gipin a·dokrangchiniko ra·napbaenggipa cha·ani bosturangosa chu·gimik pangchakengpti uni gimin a·doktangonikon chu·onge man·na amna gita a·doko dingtang dingtang gama-ge·anirangko dakchina didianirangko on·na gita nangenga ine ua, jinmana u·iatangaha.
Una agreba, East Jaiñtia Hills Khliehriat-ni District A. H & V. O, Dr. P.B. Nongpluh, Saipung Block-ni B.D.O Dr. R. Pyrtuh aro MVSA-JHDU-ni Asst Secretary Dr. D.Tariang-maangba ua somoio tom·bagiparangna aganprakangaha.
