Kohima, Dec 28: Nagaland a•dokni Mon a•jao so•ota man•gipa dosgri manderangna kakket bichalko on•china gita Nagaland a•doko donggipa dingtang dingtang Konyak dolrang dabiangtokaha.
So•ota man•gipa manderangni nokdangrangna kakket bichalko on•ningjagenchimode, mikkangchi jingjengatanirangko dakna gita re•baenggipa January 18 tariko pilak Konyak dolrangni tom•bimonganiko ong•atanggen ineba Konyak dolrang parakataha.
Re•anggipa December 4 tariko bobil dake chakatgipa manderangko sandianio sipai dolrang, sak 14 dosgri manderangko, bobil dake chakatgipa manderang ine potchipenba so•ote galahachim aro iani bidingo salgro salaram a•dok gimikon manderang, sipai dolrangni kamko raken jegaltokahachim.
Ia a•sel ong•ani ja•mano, salgro salaram a•dokrango ra•gatgipa Armed Forces (Special Powers) Act (AFSPA)-ko chu•gimik ra•galatchina gitaba dingtang dingtang dolrang dabiangtokaha.
