24.3 C
Tura
spot_img

Napram/Ong·katram cholgugako kulianichi niam gri napsrukaniko champengna man·gen: HNYF

Must read

Shillong, Jan 19: Meghalaya a·doko napram aro ong·katram cholguga rangko sorkarini kulie on·anichi niam gri napsrukanirangko champenganio dakchakani ong·gen ine mongolbar salo Hynniewtrep National Youth Front (HNYF) parakataha.

Napram/Ong·katram cholguga aro Meghalaya Residents Safety & Security Act (MRSSA) 2016-ni kosako dolsa ukilrang, Meghalaya High Court-o PIL ka·doangahani gimin ia kattarangko HNYF parakataha.

HNYF-ni Jakrikra Te.Sadon Blah-ni parakatani gitade, napram aro ong·katram cholguga rangko kulianiara a·songni Niam Bidikni Bak 14,15,19 aro 21-ni ning·o dongimin niamrangko pe·ani ong·a ine ukilrang PIL-o badi ka·doangahachim indiba ia bak ba niamrangara nangchongmotgipa bilrango pangchakgipa niamrangsa ong·a aro a·dokrangba an·tangtangni gita niamrangko tarina man·a.

MRSSA-ni miksonganiara a·doko niam gri napsruke songdong a·chaenggipa manderangko sandina ra·gatgipa niamsa ong·a ineba Blah parakataha.

“MRSSA aro napram aro ong·katram cholguga rangko ra·gatahanichi sorkari, dongimin niamrangko re·badeaha ine PIL-o matnangaha indiba Meghalaya a·dokara mitam biaprangona agrede tribal a·doksa ong·ani gimin MRSSA aro napram/ong·katram cholguga rangko ra·gatanichi a·dok sorkari, Tribal-rangni namgninasa ia niamrangko ra·gataha,” ine HNYF-ni dilgipa parakataha.

A·dok sorkari niamrangko tarina man·na gita a·songni Niam Bidik-ni Bak 12-o bilko on·manaha ineba Blah parakataha.

Niam gri napsruke songdong a·chaenggiparangko sandina gita Section 144 CrPC aro Section 188 IPC-an chu·onga ine PIL-o janapgipa kattarangna aganchakaniko on·angengon, ia minggni niamrango pangchake dongaigenchimode mandena on·gimin jakgitelaniko pe·ani gitasa ong·gen maina ia niamrangchi manderangko walni somoirangoba sandina aro sing·sandina bilko on·ani gita ong·enga ineba HNYF-ni Jakrikra parakataha.

spot_img

More articles

spot_img
-->

Latest article