Shillong, Mar 30: Budbar salo, Nartiang-ni Mulong ba anti cha•ani salo, gital seokako man•gipa Nartiang Elaka-ni Salong Lamare, bazar anti cha•enggipa manderangna an•tangko agan-talate on•angaha aro ua somoio unbaksa Elaka-ni Sordar aro gipin dilgiparangba dongpae bak ra•angaha. Jaintia Hills a•jao aro mongsongbate Nartiang Elaka-o gital seokako man•gipa Dolloi-rang, pangnan seokako man•ani ja•man iandake an•tangtangko manderangna agan-talate on•rongachim ine nikna man•a.

Bazar antio napna skang Nartiang Elaka-ni gital Dolloi, dingtangmancha pattigipa ra•rongipana mittelpilaniko on•angchengaha.

Ia bazar antio Nartiang Elakani gital Dolloi Salong Lamare, manderang baksa agangrikengon, bazar antirango aro manderangna namroro silroroaniko ra•bana gita ia dakbewalko ja•rikenga ine parakangaha.