Shillong, May 18: Chadambe me•a aro me•chikrang, nangana bate be•en dal•gipa manderang aro bia ka•gimin me•chikrang, an•tangtangni changa sapanirangko mesoke mingsing minggamani cholko man•china gita North East International Fashion Show, skanggipa changna audition-ko re•baenggipa May 27 tariko, Shillong Club-o ong•atenga.

Ia fashion show-ko Prashant Ghosh tariaha aro unbaksa Sweety Pala-ba dakchakanirangko on•ahachim.

Ia audition-ko ong•atanio seoka man•gipa model-rangko taridapenba, re•baenggipa September jao Guwahati songjinmao ramp fashion-o mesokna gita cholko on•gen ine kobor on•aha.

Shillong songjinmani model aro bading chiwalgipa Eve Syiemlieh-ni kobor ra•timgiparangna parakatani gitade, ia audition-o chadambe me•chik aro me•asarangna changroako niani dongjawa aro iano international aro national model-rangba dongpana siengani gimin ian Modelling-o gisik nanggipa a•dokni manderangna nambegipa chol ong•enga.

Audition-o bakko ra•na gita gong 300-ko registration fee dake gamna nanggen.

Mrs Category ba bia ka•gimin me•chikrangna susaaniode bakko ra•enggiparang komibeoba feet 5 inch 3 changrona nanggen aro me•asarangnade feet 5 inch 5 changona nanggen ineba Syiemlieh parakataha.