Shillong, Oct 20: North Eastern Hill University (NEHU)-o Meghalaya a•dokni chatro chatrirangna, chong•motan Khasi, Jaintia aro Garo chatro chatrirangna 10 percent biapko donangkuchina dabie Bristibar salo Khasi Students Union (KSU) NEHU Unit-ni dilanichi NEHU-ni chatro chatrirang, jinma tom•e re•jomaniko ong•atangaha.
Ia apsan salon, NEHU-ni Vice Chancellor, university-ni official-rang baksa university-ko chalaiani aro 10 percent biapko donani bidingo chanchirimangskaahachim ine nikna man•a.
NEHUSU-ni finance secretary Wailad Siangshai-ni kobor ra•timgiparangna parakatani gitade, Meghalaya a•dokni chatro chatrirangna kange donenggipa 10 percent biapko NEHU ra•galpilna sienga aro University-o admission-ko ra•na gita joltangni chatro chatrirangna 10 point-ko on•dapskana miksongenga ine kobor man•soahachim.
CUET-o pangchake admission-rangko ra•ani bidingo chatro chatrirang jajatokenga ine janapatengon, ian mikkangchi University-o admission ra•na sienggipa chatro chatrirangna neng•nikaniko ra•banaba gnang ine Siangshai parakataha.
“Iani bidingo aro a•doktangni chatro chatrirangna kange donenggipa 10 percent-ko ra•galpilna sienggipani bidingo u•iatna chinga da•al official-rangni tom•e chanchirimenggipa Hall-ona jinma re•jomangaha,” ine NEHUSU-ni finance secretary parakataha.
