Shillong, March 22: Umiam-ni North Eastern Police Academy (NEPA)-o, Assam-ni police trainee saksani ong·ronggija bewalo siani bidingo am·sandianiko dakchina gita Meghalaya High Court, 2025 bilsini May 31 tarikna somoiko on·ataha.
Koborrangko man·soani gitade, re·anggipa 2022 bilsini March 9 tariko, police trainee saksa swimming pool ba chi jrochakgipa biapo napsrime siaha. Indake ong·engon, sak 29 police manderang ua biapo dongani gisepon maikai ua chio sripe sina nanga inenba, sigipani nokdangni manderang name am·sandianiko dakchina aro dos donggipa manderangko rim·enba kakket bichalko on·china dabiataha.
A·sel ong·aoni bilsi 3 ja·manoba iani bidingo am·sandianirang matchotja baksana maming charge-sheet-koba segatjani gimin Court aiao innampilaha. Indake ong·engon, Police dolrang, am·sandianirangko dakenga aro criminal case-koba segataha ine janapatskaaha.
Chief Justice IP Mukerji-chi dilenggipa bench, court-ni gita criminal case-ode uamang jakdangdikpajawa indiba, ia case-ni bidingo am·sandianirangko matchotatenba, 2025 bilsini May 31 tariko charge-sheet filed ka·china gita ge·etaniko on·ataha aro uni jamanosa, niam-ni gita bichal ka·anirangkoba dakanggen ine janapataha.
Na·simang ia video-koba nina man·gen:
Na·simang iakoba poraina man·gen: NEHU-ni chatro chatrirang acting VC-ko ta·rake songe on·china dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
