25.8 C
Tura
spot_img

NGH police, walni somaio ra·sekdraenggipa sak 3 denggurangko rim·a

Must read

Resubelpara, Jan 30: Walni somairango ramako re·ruragipa manderangoniko ra·sekdraenggipa sakgittam manderangko North Garo Hills a·jani police-rang mijal Sukrobar walo Rari jolni National Highway (NH)-51 ramadiloniko rim·aha ine koborna u·iataha.

Iani bidingo North Garo Hills a·jani Superintendent of Police (SP), Abraham T. Sangma-ni koborna u·iatani gita, highway ramarango wenroroe nirok-sandiataniko dakatenggipa police-rang ua sakgittam denggu dakgiparangko walni somaio sorokko re·ruraenggipa manderangoniko ra·sekdrae ra·na jotton ka·miting somaio rim·aha.

Rim·a man·gipa ua sakgittam (3) manderangara – bilsi 25 ong·gipa Rajip Marak aro bilsi 25 ong·gipa Paul Marak, sakgnian Rari joloni ong·a aro Jengjal joloni saksa bilsi 18 ong·gipa Mansil A. Sangma ong·achim.

SP-ni u·iatani gita, ua sakgittaman Bajengdoba Police Station (PS)o gitcham mamlarango bak donggiparang ong·achim. Uamangko batanggimin salrango police-rang ra·seke ra·ani mamlao rim·e case no. 22(12) 2020 U/S aro IPC-ni section 392/457/34-o pangchake mamlarangko segataha ineba Sangma parakataha.

spot_img

More articles

spot_img
-->

Latest article