Dibrugarh, Mar 2: Arunachal Pradesh a·dokni Changlang a·jao donggipa Diyun Circle-o 132 KV line-ko tarina gita National Human Rights Commission (NHRC)-ni dongimin niamko pe·e, nok-jamrangko pe·e galani a·sel, Jyotipur-I aro Jyotipur-II songrango donggipa Chakmarang, an·tangtang gam-jinrangko gimaatna nangaha.
Nok-jamrangko Diyun Circle-ni Assistant Commissioner A Modi-ni dilanichi state administration-ni official-rang, JCB-rangchi pe·e galaha aro iani bidingo jolo songdongenggipa manderang aro dingtang dingtang dolrangba administration-ni kamrangko raken jegaltokaha.
Ia jolrango songdongenggipa manderangna tangka paisarangko gamchenggija manderangni nok-jamrangko pe·e galanina New Delhi-o donggipa Chakma Development Foundation of India (CDFI)-ni Suhas Chakma Founder, NHRC-na badi ka·doangahachim aro uamang, an·tangtangni noksan ong·anirangko hisapchina aro compensation-ko gamchina dabiangtokaha.
Changlang a·jao 132KV Transmission Line-ko tarianio, nangchakea man·gipa 108 nokdangrangna, uamangni nok-jam aro bagan barirangni tangka paisarangko gamchina gita re·anggipa 2023 bilsini November 17 tarikon, Changlang a·jani Deputy Commissioner-na NHRC, ge·etaniko on·manahachim indiba NHRC-ni ge·etani gita, ia jolo songdongenggipa manderangna tangka paisarangko gamchenggija Sonibar saloba state administration-ni official-rang, JCB-rangko ra·e, Jyotipur-I aro Jyotipur-II songrangona re·angenba, nok-jamrangko pe·galtaiaha aro iani a·sel ia songrango songdongenggipa Chakmarang, bang·en noksan ong·na nangtokaha.
Iani bidingo Arunachal Pradesh Chakma Students Union-ba official-rangni kamko raken jegalaha aro nangchakea man·gipa manderangna kakket bichalko on·china dabiangaha.
Na·simang ia video-koba nina man·gen:
Na·simang iakoba poraina man·gen: Dibrugarh-ni mande songdongram biaponiko matchapeng mangsako nika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
