Shillong, Apr 25: Sombar saloba Meghalaya sorkari, Harijan Colony (Sweeper’s Colony)-ko Them Iew Mawlong-oniko apjitani bidingo Harijan Panchayat Committee (HPC) baksa tom·e chanchirimangtaiaha aro ia tom·anio HPC-ni dilgiparang, niam gnangsa Harijan Colony-ko Them Iew Mawlong-oniko apjitna ku·rachakaniko on·angaha ine tom·a matchotani ja·man, a·dokni Deputy Chief Minister Prestone Tynsong parakataha.

Sombar salo, HPC-ni gita iani bidingo a·dok sorkarina proposal-ko on·angaha aro ia proposal-ni bidingo dolgni chanchirimangaha ineba Tynsong parakataha.

Harijan Colony-ko apjitna gita a·dok sorkari, blueprint-ko tarigen ineba Deputy CM parakataha.

Indake ong·engon, Harijan Colony-ko apjitani bidingo a·dok sorkari, May-ni 10 ba May-ni 15 tariko HPC baksa tom·e chanchirimangtaigen ineba Tynsong parakataha.