Shillong, March 24: Sorkari kamtangoni kate chakenga ong•ja aro Assembly-ni Speaker-ba niamo pangchakesa kamrangko ka•enga ine Sukrobar salo, Voice of the People’s Party (VPP)-ni matnanganirangna Meghalaya a•dokni Chief Minister Conrad K Sangma aganchakaniko on•angaha.
Assembly-ni Budget Session-o private membor-rangni kamrangna salko bakkandikate aro membor-rangni jera ra•anina somoirangko on•jaenganichi sorkari, kamtangoni kate chakna jotton ka•enga ine VPP matnangenba, Assembly-o Roster System-na chanchirimaniko dakna man•jahani gimin ramarango jingjengatna gita ka•mikkenatahachim ine nikna man•a.
VPP-ni iandake matnanganirangko jegalatskaengon, sorkari daitotangoni kate chakna jotton ka•jaenga indiba Assembly-ni niamrango pangchakesa session-ko chalaienga ine Chief Minister talataniko on•angaha.
Sukrobar salo Assembly, pring 10:00 bajioni sal 12:00 bajiona kam ka•gen ine Rule Book-on tale janapani gnangchim ineba Chief Minister parakataha.
Mitam opposition membor-rang niamko ja•rikchina aganenga ine janapatengon, ia membor-rangni agana gitan Assembly Speaker, niamo pangchake kamko ka•dilenga aro Business Advisory Committee-ni tik ka•gimin gitasa somoirangko sualenga ine Sangma parakataha.
Assembly-ni membor-rang, je somoioba an•tangtangni aganna skanirangko aganna man•aia ineba Chief Minister aganaha.
Iakoba poraie nina man·gen: UCC Bill 2022-ko Rajya Sabha-o ra·chakkuja: Pa Conrad
