Tura, Jan 13: South Garo Hills a·jani Nongalbibra Police Station-ni ning·o donggipa Pathargittim-o bolero camper gari rang·gitik a·selo ga·akaha.
Kobor man·soani gitade bolero campero gadoanggipa manderangoni sak 4 a·sel ong·chakgipa a·damon sikamaha, saksa Williamnagar Civil Hospitalona sokangani ja·mano siskaha.
South Garo Hills, Superintendent of Police Pa. P. Pandey-ni kobor ra·timgiparangna u·iatani gitade, Nongalbibrao ong·atanggipa Songkristan chroksusaaona re·bagipa manderang walni 10:30 bajimango noktangtangchi re·angpilengmiting somoio nosto ong·ana ramao neng·takate donenggipa truck gario sugakeaha.
Indake a.sel ong·anio sak 5 manderang janggitangko gimataha aro adita sak manderang saknaako man·aha. Saknaa man·gipa manderangko Williamnagar Civil Hospitalona ra·angani ja·mano bilongbate jokkom ong·gipa sak 3 manderangko Guwahationa watataha.
Koborni gitade bolero camper gariko salgipa pekgipa ringaniko ringe mandesal ong·jahani gimin rama gonggegipao neng·take dongsoenggipa gari truck ko nikdatanio jaksrapjae a·selo ga·akaha jeon sak 3 me·chikrang aro sak 2 bi·sarang janggitangtangko gimaatskaaha.