Shillong, April 4: Hamidul Ali, jekon Islam ba Rahul ineba u·itokachim, uko Nongstoin-ni Speicial Judge (POCSO) Court-o 2020 bilsini March 27 tariko bilsi chu·ongkugijagipa me·chik bi·sako rim·srukanina aro June jani 20 tariko til·ekdraanina bilsi 14-na pattok ning·o donataha.
Bilsi chu·ongkugijagipa me·chik bi·sako til·ekdraanina Ali-ko bilsi 10-na rak·begipa sasti baksana tangka gong 25,000-ko aro rim·srukanina bilsi 4 pattok ning·o dona baksana tangka gong 10,000-ko gamchina ge·etaniko on·ataha. Ge·etgimin gita gamna nanganirangko ua gamja ong·ode, ja 6-na uko pattok ning·o dongangkugen.
Iani bidingo, Shallang Police Station-o FIR segatenba, Nongstoin Women Police Station-ni WPSI B. Dkhar am·sandianiko dakataha. Am·sandianiko daka jaman charge-sheet-ko segatenba, Court-o bichal ka·anikoba dakangaha.
Na·simang ia video-koba nina man·gen:
Na·simang iakoba poraina man·gen: Md Yunus-ni agangipa kattarangko jegale Tipra Motha tom•bimonga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
