Shillong, Jun 9: Sombar salo, National People’s Party (NPP)-ni national committee aro bilsio party-ni gita jinma tom·bimonganiko New Shillong Township (NST)-ni Mawkasiang-o donggipa Orchid Resort-o ong·atangaha aro ia tom·bimonganiko NPP-ni National President Conrad K Sangma an·tangan dilangaha.
National Committee-ni tom·anio party-ni dal·dalbatgipa dilgiparang, office bearer-rang, Meghalaya, Manipur aro Nagaland a·dokni MLA-rangba bak ra·angaha aro ia tom·anio, party-ko mangrakbatatani aro mikkangchi dingtang dingtang election-rangna tarisamsoani bidingo chanchirimangaha.
Annual General Meeting ba party-ni gita bilsini tom·bimonganio jinma chanchirimangskaengon, politics-ni kamrango manderangni bak ra·aniko mangrakbatatna, salgro salaram jolrango tom·tomani aro meli-nangrimgrikaniko mangrakbatatna, Tribal-rangna on·gimin bilrangko chel·chakangkuna aro ‘Northeast 2047: Gateway to Prosperity’-o pangchake, pilakni gitan namroro silroroaniko ta·rakbatatna tik ka·e donangaha.
Ia tom·bimonganio, Foreign Contribution (Regulation) Act (FCRA)-ko taridapani gimin chanchirimangengon, a·songni nangani kri niamko tariengon, songsalna dangdike on·enggipa civil society organisation (CSO)-rang maming champengani gri kamrangko ka·na man·na gita jinmana parakani gnang aro jinma baksa chanchirimchengani gnang niamrangko taridapchina NPP-ni dilgiparang resolution-ko ra·angaha.
Ia tom·bimonganio, chadamberangna aro me·chikrangna dilgipa ong·na cholrangko on·angkuna, pilak biaprangon apsan namroro silroroaniko on·angkuna, salgro salaram a·dokrangni gisepo nangrime kam ka·aniko bilakbatatkuna aro India a·songni pilak biaprangon, namgipa sorkariko ra·bana miksonganio party-ko giproroatangkuna gitaba jinma tik ka·angaha.
Ia tom·bimonganiko ong·atani bidingo NPP-ni national president Conrad K Sangma talate on·angengon, sorkariko chalaianio NPP, pilak kamrangkon manderangnasa skang ong·e donani gimin ia tom·anio jekon party-ni dilgiparang, mikkangchi jako ra·angkuna kang·kare kaahachim, ian party-ni on·kanganiko mesokani ong·a ine parakataha.
Je kamko ka·genchimoba ua kamara, manderangna namgni ong·na man·na nanga aro ian NPP-ni niksamsoani aro dal·roroanio pangchakani ong·a ineba ua aganaha.
Ia tom·bimonganio NPP-ni dilgiparang, Shillong Parliamentary by-election, Garo Hills Autonomous District Council election aro Manipur Assembly election-na tarisamsoanirangkoba nipilangaha.
Na·simang iakoba nina man·gen:
Na·simang iakoba poraina man·gen: Tezpur-ni GI-tagged ka•ako man•gipa letchuko skanggipa changna Dubai-ona watata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
