Shillong, Mar 11: North-Eastern Hills University (NEHU) Vice-Chancellor Prof. Prabha Shukla, University-o chatro chatrirangni jingjengataniara, chatro chatrirangni nangchongmotgipa kamrangna chanchiani pal an.tangtangni namgnina chanchie dakdilenggipa manderangni didianiko man·ani a·sel ong·enga ine matnangataha.

Prof. Shukla-ni chatro chatrirangna aro union memberrangna seatgipa chittio, ia jingjengataniko ding·chaoatenggipa dolrangara an·tangtangni namgnina dakenggipasa ong·ani gimin iandakgipa kamrango chatro chatrirang bak ra·gija an·tangtangni poraia skianio, research ka·anio aro an·tangtangni dal·roroanio gisik on·china aro iandake dilsretanirangchi an·tangtangni poraia skianio kenchakaniko ra·bana bate, kam man·gni cholrang ko komiatana bate aro namgijagipa bimungko man·ana bate an·tangni janggi tanganina chanchichina chatro chatrirangko didiangaha.

Iandakgipa jingjengataniko dakengon, chatro chatrirangsa mongsongbate nangchakeako man·batgen ine aganengon, iandake an·tangni namgnina aro man·gnina dakgipa manderangko ja·rikana bate an·tangtangni miksonganiona soknasa jotton ka·bo aro NEHU-o tom·tomaniko ra·bapiltaina jotton ka·bo ineba Shukla janapataha.

Iandake so·sojengjeng ong·engani gisepoba Prof. Shukla, chatro chatrirangni namgnina chanchien uamangni dabia gita Pro-Vice-Chancellor-ko appoint ka·na janapman·aha, indake ong·genchimoba ia obostarangchi champengatako man·enga ine aganaha.

Indake, gisik seng·a gnang, sengknapa gnang aro mande ra·grikan baksa University-ko riktaipilna kam ka·china ua chatro chatrirangko didiataha.

Na·simang ia video-koba nina man·gen: 

Na·simang iakoba poraina man·gen: Kangal cholgrirangna namgipa nokrangko on·a uamangni sorkari on·kange kamrangko ka·enga : Marcuise

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub