Guwahati, July 13: India a·songo songdongenggiparangna apsan niam-retiko on·na gita Uniform Civil Code (UCC)-ko ma·mong sorkarini a·songo ra·gatna am·enganio chakpaaniko on·jaenganina Congress dolko matnangatenba, maibakai Congress dolni dilgipao demechik saksa gnangode, ua jikgipa sakgni donggipa me·asakon bia ka·na on·aigenma ine Assam-ni skotong minister Pa Himanta Biswa Sarma, Bristibar salo sing·doangaha.
Congress dolara Muslim me·chikrangni saknaaniko u·ichakgijagipa gitan ong·enga ine Pa Himanta Sarma, koborna aganangengon, Muslim me·chikrangni vote-kode uamang man·na am·toka indiba maming on·pilskaanide dongja, ian Congress dolni dal·bea gualani ong·a aro me·a aro me·chikrangniko vote man·ani ja·manoba Congress dol, Muslim me·asanasan dakaia ine matnangatan baksa, jikgipa sakgni sakgittam ra·aniko Nabi, chong·motan Prophet Mohammad an·tangan ra·chakchengja ineba skotong minister parakataha.
Polygamy ba saksana bate bia ka·na man·ani niamo expert committee, uamangni report-ko on·soa ong·ode re·baenggipa assembly tom·anio chinga ua niamni kosako ong·gipa minggipin niamko ra·gatani gimin chanchirimaniko dakgen, aro maibakai uamang report-ko on·na man·jaoba, re·baenggipa bilsi January jani gisepo assembly tom·ao chanchirimaniko dakangskagen ine Assam-ni skotong minister agandapataha.
Uniform Civil Code (UCC)-ni bidingo chinga party-o chanchirime tik ka·gen aro ia niamko ra·gatna skang President-ni soiko ra·chengani ja·mande a·dokoba chanchirime dakna gita man·aia ine Pa Sarma aganangkuenba, ia UCC-o dingtang dingtang neng·nikanirangba dongchapa jekon law commission aro parliamentary committee iani bidingo niroke kamrangko ka·enga aro Assam sorkaride ia niamko ba UCC-ko namnikpaaniko kosakchina watatmanaha ine skotong minister parakataha.
Iakoba poraie nina man·gen: Bilsi 28-ong·gipa mande saksani manggisiko Kongbe A·ding gittimoniko man·a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
