Williamnagar, Dec 12: Pa Togan Nengminja Sangma-ni chang 150-gipa siani salko Sombar salo, East Garo Hills a•jani Chisobibra songo gisik ra•e maniangaha.
Floral tribute in honour of the great freedom fighter of Garo Hills and Meghalaya, Pa Togan Sangma on his 150th Death Anniversary in East Garo Hills District.
Pa Togan Sangma sacrificed his life to protect our land & people from British soldiers. We salute him for his sacrifice. pic.twitter.com/S3iy8NWhwm
— Conrad Sangma (@SangmaConrad) December 12, 2022
Ia salko manianio Meghalaya a•dokni Chief Minister Conrad K Sangma baksana a•dok sorkarini Chief Whip Marcuise N Marak, Meghalaya Transport Corporation-ni Chairman Jim Sangma, gipin dilgiparang aro jolo songdongenggipa manderangba dongpae bak ra•angaha.
Ia salko manianio a•dokni Chief Minister, tom•anio bak ra•giparangna aganprakangengon, Pa Togan Nengminjani ka•donggipa gunrangni gimin aganangenba, ugita dakgipa a•dokni matgrikrangko pangnan gisik ra•kamchina aro mikkang chasongni manderangnaba u•iatrorochina gita a•dokni mane sakantikon didiangaha.
Meghalaya a•dokni matgrikrangni gimin manderangna aro mongsongbate chadamberangna u•iatna gita dingtangmancha a•dokni pilak biaprangon dingtang dingtang jatrangni gisepo jatni program-rangko ong•atrongchina gitaba Chief Minister didiangaha.
Released the commemorative postal stamp dedicated to Pa Togan Sangma on his 150th Death Anniversary
This brave son of the soil is one of the greatest freedom fighters of the North East and the country who sacrificed his life fighting the Britishers@narendramodi @kishanreddybjp pic.twitter.com/IY4jsRzJ8K
— Conrad Sangma (@SangmaConrad) December 12, 2022
Ia salko manianio Pa Togan Nengminja Sangma-ko gisik ra•na tarigipa postage stamp-koba a•dokni Chief Minister aro gipin dilgiparangni jakchi oprake on•angjolaha.
Chisobibra-o donggipa Pa Togan Nengminja Sangma memorial park-ko a•dok sorkari, taridapna gita miksongenga ine janapatengon, ia park-ko taridapna gita gong lak 50-ko sorkari chame donmanaha aro kamrangko bakan a•bachenggnok ine ia tom•anio Chief Minister, jinmana parakataha.
Ia apsan tom•anion a•dokni Chief Minister, Rongbing Boldak-oni Chekwebibra ramaona Rongon chiringko dolong kabatna gitaba pangchakaniko songe on•angjolaha. Ia dolongko rikna gita gong crore 7.81 tangkarangko chame donmanaha.
Both the road projects in East Garo Hills District will ease the commute of the public and support their economic activities. We dedicate them to our people.
Glad to have Hon’ble MLAs @marcuisemarak & Jim M Sangma with us. pic.twitter.com/zdRsK5XTCu
— Conrad Sangma (@SangmaConrad) December 12, 2022
Williamnagar jillao donggipa ramarangko taridapna gita pangchakaniko songe on•angengon, ia ramarangko taridapna gita sorkari, gong crore 27 tangkarangko chamataha ine Chief Minister parakataha.
