Shillong, June 30: Budbar salo, Meghalaya a•dokni police-rang, gram 676 ong•gipa heroin samrangko aro strip 30 Nitrazepam tablet-rangko rim•na man•aha.
Meghalaya a•dokni DGP Dr LR Bishnoi-ni u•iatani gitade, Gary minggipa mande saksa, pekatgipa samrangko ra•e Jiribam-oni Silchar gita Shillong-ona re•baenga ine koborko man•soenba, ANTF-ni official-rang, Khliehriat police station-ni sipairang baksa Silchar-oni Shillong-ona re•baenggipa garirangko nirikkisoaha aro uandaken Bristibar pring 3:50 bajimango, ML-05L 7887 bus gariko neng•takate am•sandion, Gary Kharnaior minggipa mande saksako man•chape Khasi pante sakgniko rim•na man•aha.
Ia manderangko rim•e police-rang, uamangni ra•bitgipa jolonggarangoniko am•sandion kosako janapgimin samrangko man•aha.
