Shillong, Dec 30: Prime Minister Narendra Modi-ni ma·gipa Heeraben Modi, Sukrobar salo a·gilsakko watangaha.
Bilsi 100 gape sianggipa Heeraben Modi-ni manggisiko, Gujarat a·dokni Gandhinagar-o so·e galaha.
Ma·gipani siangani ja·man Prime Minister Narendra Modi, ma·gipani noksa baksana ma·gipana ka·saani kattarangko seataha.
Heeraben Modi-ni siangani ja·man, Meghalaya a·dokni Chief Minister Conrad K Sangma-ba Prime Minister Narendra Modi-na kalimpaani kattarangko seataha.
“Uni ka·sabegipa ma·gipa Heeraben Modi-ni sianganina anga PM Narendra Modi-na angni kalimpaaniko on·enga. Ma·a paako gimaatania chanchisokpilgijagipa gimaani ong·a aro ma·gipako gimaatania namen ka·a be·ani ong·bata. Iandakgipa dukni somoio Nokgipa Isol una aro uni nokdangna ka·dimeaniko on·pilchina,” ine Sangma parakataha.
I extend my deepest condolences to Hon’ble PM, Sh. @narendramodi ji on the passing of his dear mother, Smt. Heeraben Modi.
Losing a parent is an unthinkable loss and losing a mother is the most painful. May God grant him and his family comfort during this difficult time. pic.twitter.com/7SXwUYhcVY
— Conrad Sangma (@SangmaConrad) December 30, 2022
