Shillong, August 18: August 18 tariko gram 50 onggipa pekatgipa Heroin palbadinggipa sakgniko Punjabi line-oniko Cantonment Beat House Police aro ANTF dol nangrime rim·aha.
Kobor-na ui·atani gita, potchipa man·gipa sakgni manderang scooty-o re·angmitingosa Shillong Harijaan Colony-oniko rim·aha. Dosi dakgiparang baksa man·chapgipa bosturangra, tangka gong hajal 28,050, mobile ge·gni, ML05X 5083 Aprilla Scooty bike bolsa aro Sabon ra·chakgipa ge·bri bikoponiko Gram 50.37 Heroin-ko man·aha.
