Rome, Mar 9: Bilsi 88 ong·e budepabee Isolna dangdikenggipa Pope Francis re·anggipa February jani 14 tarikoni Pneumonia ong·e sabeaha, indiba da·alo ua adita namkalengaha ine doctor rang aganaha. Pope Francis Robibar salo an·tangna simsak-nirokgipa sakanti sakprakprakko mittel-mitchuani kattarangko seataha.
Anti gittam mangna ua Robibar salni olakkiani aro manderangna pattianiko dakna man·jahaoba ua biaptango donge sastroni nama kattarangko aro pattiani kattarangko manderangna see watatrongaha aro Vaticanoni uko jinmaan poraiatrongaha.
“Ka·sara jong-ada, no-abirang anga indita salrangna hospitalo sana-bananiko ra·engmiting somaio namnamgipa santimgiparang, doctor rang, nurserang angna ka·sae simsak-nirokaniko on·beaha, ian uamangni angna ka·sachongmotani gimin ong·a. Anga uamangko angni gisik ka·tongonin mittelna kusi ong·beenga. Ia indake an·ching sagipa-ding·gipa manderangko nirok-simsakgrikode an·ching pattianiko, tom·tomaniko man·chongmotgen” Gameli hospitaloni Popeni seatgipa chittio janapaha. Pope biapo dongjaomangba Katholik bebe ra·giparangni Rongtalgipa bilsiko manian baksana manderang Rome songjinmaona songreangenge uano olakkienga.
Robibar salo Canadani Cardinal Michael Czerny jean Pope ni nangrimbatgipa aro sepangbatgipa jakrikra ong·achim ua bebe ra·giparangko olakkidilaha. Robibar salo St Peter’s Squareni barandao Popeni papalko badalate uni dongpaaniko gisik ra·aha aro ian Pope Hospital-o ong·genchimoba mondolini skotong ong·kuenga mesokani chin ong·a.
Pope mija re·anggipa February 14 tarikonin rang·sitna neng·nike saaniko aro gipin saaniko man·beaha indioba da·o Isolni ka·sabeao an·sengkalaniko man·aha ine koboro parakaha.
Na·simang ia video-koba nina man·gen:
Na·simang iakoba poraina man·gen: SGH-o Bangladesh-ni sima ari sambajolniko chi-ni salangenggipa gariko BSF dolrang rim·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
