Tura, Nov 17: Non-Government LP skulrango skigiparangko NPP-chi dilenggipa MDA sorkari, kamo regularise ka•e on•ahani gimin Bristibar salo, Meghalaya a•dokni Chief Minister Conrad K Sangma-na All Garo Hills Primary Teachers Association (AGHPTA)-ni gita South West Garo Hills a•jani Ampati-o mande ra•pilskaaniko on•angaha.
Garo Hills-ni Primary skulrangko 1994 bilsio GHADC-oniko a•dok sorkari jako ra•skaahachim aro ia skulrangkon ‘Non-Government’ ine gadang donskaahachim. Ia skulrangko Non-Govt ine gadangko donahani a•sel skigiparang da•ona kingkingan regularise ka•ako man•kujae, kamtangtangko regurise ka•china sorkario dabitokengachim ineba nikna man•a.
We are glad that the NPP-led MDA Govt. took the onus to fulfill the demands of our Garo Hills’ Primary Teachers who were deprived of services and benefits they rightfully deserved.
Truly humbled by their gesture of felicitating me today. May they further nurture our children pic.twitter.com/tGKb1ew6GI
— Conrad Sangma (@SangmaConrad) November 17, 2022
Indake ong•engon, ia dabianiko NPP-chi dilenggipa MDA sorkari knachake, skigiparangko kamo regularise ka•e on•ahani gimin skigiparang, dingtangmancha a•dokni Chief Minister-ko mittelpile mande ra•pilskaaniko on•angtokaha.
Ia tom•aniko ong•atanio a•dokni Chief Minister, skigiparangna aganprakangengon, uni pagipa PA Sangma sagi, maikai a•doko lekka porako namdapatna gita gisik on•e kamko ka•ahachim, uarangni gimin gisik ra•atpilaniko on•angaha.
PA Sangma sagini agangipa kattarangko toe janapatengon, “Dingtanganiko ra•bana nangenga ong•ode an•ching lekka porakon skanggipa ong•e donna nanggen,” ine Chief Minister parakataha.
Meghalaya a•doko primary skulba ong•ja maina, deficit skulba ong•ja maina, SSA skigiparangba ong•ja maina ba skul nokrangba ong•ja maina, indiba ia sorkari lekka porani kamrangna gong crore 2500-mangko koros ka•aha ineba Chief Minister parakataha.
A•doko dingtang dingtang kamrang, jekai rama jal•lang, an•seng baljokani, game ge•e cha•giparangko nirok sandiani, bijoliko on•ani, chadamberangko nirok sandiani aro uandakgipa dingtang dingtang kamrangko ka•anio sorkari neng•nikanirangko chagrongna nangengoba ia pilak kamrangkon namdapatna gita kamko ka•enga ineba ua aganaha.
Batanggimin bilsi 4.5-ni gisepo NPP-chi dilenggipa MDA sorkari, lekka porako namdapatna rakbee kamrangko ka•aha ine janapatengon, a•dok gimikon skulrangko taridapna aro rikdapna gita sorkari, gong crore 250 tangkarangko chame on•aha ine Sangma parakataha.
