Tura, Dec 1: Bristibar salo, Meghalaya a·dokni Chief Minister Conrad K Sangma, South West Garo Hills a·jani gital Purakhasia C&RD Block-ko nokdonggae on·angaha aro ia gital block-ko nokdonggaani somoio, Salmanpara-ni MLA Winnerson D Sangma, MDC-rang aro jolo songdongenggipa manderangba bakko ra·angtokaha.
Sharing the joy of the people of Purakhasia as they celebrate their new beginning with the inauguration the new Purakhasia C&RD Block.
Taking Governance closer to the people has been our stand to ensure all areas in Meghalaya experience synchronised growth@girirajsinghbjp pic.twitter.com/vKwEmLWcVR
— Conrad Sangma (@SangmaConrad) December 1, 2022
Ia gital block-ko nokdonggae on·anganio a·dokni Chief Minister jinmana aganprakangengon, songadam nokadamrango songdongenggipa manderangona, sorkarini ra·gatgipa dingtang dingtang namroro silroroatani program-rangko sokate on·na gita sorkari ja·kuko de·chakataha ine parakangaha.
Songadam nokadamrango songdongenggipa manderangna sorkarini kamrangko sepangbatatanichi sorkarini kamrangko ta·rakbate aro nambate dangdike on·na man·gnok ineba ua aganaha.
Ia Purakhasia C&RD Block-ko chalaisona gita dingtangmancha office nokko Border Area Development Department-ni gita C&RD Department-na on·aha aro ia office nokko a·dokni Chief Minister niangjolaha.
Ia gital Purakhasia C&RD Block-o, South West Garo Hills DRDA-ni Project Director Raymond D Shira, block development officer ong·e jako ra·anggen.
Ia gital block-ko songe on·angani somoio FOCUS plus card-rangko aro PROGRESS scheme-ni ning·o wak bi·sarang baksana Kuroiler do·orangko a·dokni Chief Minister, seoka man·gipa manderangna suale on·angjolaha.
300 pig farmers and 100 poultry farmers of Purakhasia C&RD Block also received high yielding variety of piglets and kuroiler poultry birds under the Rural Backyard Piggery & Poultry Scheme- PROGRESS.
This addition will help them improve their livelihoods@PRupala @Dept_of_AHD pic.twitter.com/5WOKqRjmUc
— Conrad Sangma (@SangmaConrad) December 1, 2022
