Shillong, September 1: Meghalaya aro Assam a·dok damgnini sima arini bidingo gnigipa changna segrik jotgrikaniko dakna chanchisoengon, Raid Nongtung-ni ning·ogipa dambri songrangde Meghalaya a·dokni bak ong·na skaniko parakaha.
Ri Bhoi District-ni ning·o janapgimin dambri songrangara Malen, Mawlen-2, Umshatri aro Pantalu songrang ong·enga. Ua songrang Assam-ni sima arirango ong·genchimo Khasi Jatrangni songdong a·chagipa songrangsa aro Headmen-ni dilanio nirokgipa songrang ong·a. Unigimin songni dilgiparang Khasi Student Union-ko mol·mole sorkari baksa agangrikchina janape chitiko seataha.
Kobor ra·tingiparangna aganengon, songbrini dilgiparang Lishon Mukhim, Browel Khymdeit, Phrian Khymdeit aro Edrolin Saring, dam 18 songrang jean Meghalaya aro Assam a·dokni gisepo sima arina jera ra·grikanio ong·kuenggipa songrangoni Songbride Khasi jat songdonggiparangsa ong·ani gimin Meghalaya-o napatchina aganan baksa chengoni songdong a·chaani sakkirangkoba jaksi ote mesokjolaha.
North Khasi Hills District-ni KSU President Ferdynald Kharkamni, Songbrini Meghalaya a·doko chapatako man·a dabianina chakpaana kurachakan baksa Karbi Student Association iano jak dongpajachina mikrakatani kattarangkoba aganaha.
