Shillong, Nov 9: Budbar salo, Meghalaya a•dokni Chief Minister Conrad K Sangma, West Khasi Hills a•jani Rambrai C&RD Block-ko MLA Kimfa Marbaniang aro MDC Bajop Pyngrope-ni dongpaanio songe on•angaha.
This step of establishing the Rambrai C&RD Block not only reflects our commitment to our border areas people but shows our determination to ensure no area in Meghalaya is left behind from development. pic.twitter.com/BpV10lda1p
— Conrad Sangma (@SangmaConrad) November 9, 2022
Rambrai jolrangara biap ga•nangjan baksana ramarang namjani gimin aro Block headquarter-oni chel•grikani gimin batanggimin bilsirangonin Rambrai jolo songdongenggipa manderang, ia biapoba C&RD Block-ko songe on•china dabitokengachim ine nikna man•a.
Ia Rambrai C&RD Block-ko songe on•angani somoio a•dokni Chief Minister, jinmana aganprakangengon, ian Rambrai jolo songdongenggipa manderangna kusini aro gisik ra•ani sal ong•enga ine parakangaha.
Rambrai jolrango songdongenggipa manderangni nangnikanirangko sorkari ma•sichake ia block-ko songe on•na tik ka•aha ineba Chief Minister parakataha.
Chief Minister-ni parakatani gitade, manderangna miksonge ra•gate on•gipa scheme aro program-rangko manderangona sokatna gitade block-rangan nangchongmotgipa aro mongsonggipa bak gita ong•achim.
Rambrai jolo songdongenggipa manderang an•tangtangni nangchongmotgipa kamrangna chel•begipa ramarangkosa block headquarter-ona re•na nange neng•nikanirangko chagrongna nangtokengachim ine janapatengon, da•o ia gital block-ko songe on•ahani gimin block-ni kamrangko songni manderangona sepangbatataha ine Sangma parakataha.
Manderang dingtang dingtang certificate-rangna block-ni gadangon dorgastorangko galna man•gen indiba dorgastorangko sub-division-osa nigen ine talataniko on•angengon, ian a•dokni bang•a manderangnan namgni ong•gnok ine Chief Minister parakataha.
Ia Rambrai C&RD Block-ko Nongstoin C&RD Block-oniko bakenba songe on•aha aro ia block-ni ning•o square kilometer 584.628 biaprangko man•chapenga.
