Nongpoh, Aug 06: Covid -19 sajinma sokani a·sel dondipatchengani ja·man, Ri-Bhoi Tourism and Environmental Forum (RBTEDF), mija Sonibar salo Ri-Bhoi a·jani District Transport Officer-ni office ground-o chang 3-gipa Pineapple Festival-ko ong·atangtaipilaha aro ia festival-o Agriculture minister Ma Ampareen Lyngdoh baksana Nongpoh-ni MLA Mayralborn Syiem, MDC, Balajied Ranee aro RBTEDF-ni chairman Plielad Tiewsoh-maang bakko ra·angaha.
Ia festival-ko mongsongbate Ri-Bhoi a·jao anaros ge·aniko baridapatna aro game-ge·e cha·giparangni man·anirangko tang·doatanio dakchakaniko on·na gita miksonge ong·ataha. Uandake, manichakgipa a·damo ge 23 dokanrangko kullie a·jao man·gipa dingtang dingtang anarosrangko, anarosoniko jete tarigipa ringani ba juice-rang aro wine-rangko manderangna done mesokenba pala-sim·anikoba dakangaha. Unbaksana, ia festival-o jatni dakbewalrangko aro jatni chrokanirangko chroke mesokenba manderangkoba an·saoatangjolaha.
A·jao anaros ge·ani a·barangko baridapatna iandakgipa festival ba manianiko ong·atrongenganina, tom·aona mongsonggipa ong·e sokbagipa Ma Ampareen Lyngdoh, RBTEDF-ni kamrangko dingtangmancha de·mittele aganangenba, songadamo ge·e-game cha·giparangna sorkarini dakchakanirangko on·engipa kamrangko janapatan baksa, anarosna agreba minggipin dakgipa mi-misirangko game-ge·e biterangko ong·katatanio Ri-Bhoi a·jako mingsingani gisepon, biterangko soatgija ba nosto ong·atgija donani ge·bri cold storage-ko done on·ahani giminba minister agan-janapangjolaha.
Iakoba poraie nina man·gen: Bajengdoba-ni Bildeng Wario milsi pesusaaniko ong·ata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
