Shillong, May 1: Mongolbar salo, UDA-ni dilgipa aro Cabinet Minister ong•enggipa Kyrmen Shylla, Regional Democratic Alliance (RDA)-ni ning•o Hill State People’s Democratic Party (HSPDP) aro uni party nangrimenba Shillong Parliamentary seat-o chegipa ong•na krenge kamko ka•aha ine aganaha.
Ia eleksin-ko April 19 tariko ong•atangaha aro June 4 tariko channaniko dakanggen.
Indake, Khasi aro Jaintia Hills a•jani ning•o dam 36 Assembly Constituency-rang gnanggipa Shillong LS Constituency-na, RDA dolni gita HYC-ni President aro Law Professional, Robertjune Kharjahrin-ko susaatangaha.
Ia eleksin matchotani jamano, chegipa ong•oba ong•jaoba, uamang krenge kamrangkode ka•angaha ine Shylla aganaha.
RDA-ni ning•o sak 14 MLA-rang gnang aro uarangoni, sak 12 MLA-rang United Democratic Party (UDP)-ni ong•a aro sak 2 MLA-rang HSPDP-ni ong•achim.
“Ia MLA sakantian kam ka•anio uamangni 100% kon on•aha, indake ong•genchimoba, manderang badia candidate-ko seokaha uko aganade neng•beani ong•a. Anga RDA-ni MLA sakantikon uamangni on•gilpaanina mitelpilna ska, ian ku•cholsan ong•aniko aro mikkangchi nangrime kam ka•gniko mesoka. Indake ku•cholsan ong•e kam ka•ani kri, chingni nissano chu•sokgipaba ong•gen” ua aganaha.
Unbaksanaba, uamangna chakpaenggipa adita manderang gipin party-na chakpaaniko on•skaahaoba, gipin party-na chakpaaniko on•gipa manderangba uamangni party-ona re•bae chakpaaniko on•skaaha ineba Shylla agandapataha.
Una agreba, gipin Political Party-rangni campaign ka•anirango manderangni bak ra•aniko niatgenchimode, eleksino chena, chu•onga gita manderang sokbatokjaha maina eleksino chegipa ong•na komibeoba 2.5 ba 3 lakh vote-rangko man•a nanga ine aganan baksa, chingni re•jomaanirangko aro tom•bimonganirango re•bae bak ra•na manjagenchimoba, uamang chingna ka•saa aro chakpaaniko on•aha ine bebe ra•a aro ian chingko mikkangchi ong•nasienggipa eleksinrango dakgriknaba mangrakbatatgen ineba ua janapataha.
Indake, opposition party-rangni uamangko matnanganirangna aganchakaniko on•atengon, sawa aro badia party on•gilaniko dakenga uko manderang u•ia, aro jemangan opposition party-o dongenga, uamang manderangni nangnikanirangko chu•sokatenga ong•ode, manderangara maini gimin chingko seokskaenga ine Shylla sing•doataha.
Una agreba, uni Constituency-ni manderang, uko opposition party-o ong•enganiko nikna sikjawa maina, opposition party-o donggenchimode, uamangna maming namroro silroroaniko ra•bana man•jawa aro nangnikanirangko chu•sokatna man•jawa ine uamang u•ia ineba Shylla agandapataha.
Indake, dingtang dingtang Political Party-rang, tol•e ku•rachakanirangchi manderangni vote-rangko man•a jotton ka•beoba, iandake tol•e ku•rachakanirangchi aro gipin Political Party-rangko namja ine agananichi uamangko cha•bokna man•jawa ineba Minister aganataha.
Na·simang ia video-koba nina man·gen:
Na·simang iakoba poraina man·gen: Til•eka man•gipa me•chikni kosako FIR segata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
