Shillong, Mar 28: Ri Bhoi a•jani Byrnihat-o donggipa Lum Nongrim-o gong kror 5.70-ni stadium-ko rikna gita Sombar salo, Meghalaya a•dokni Sports & Youth Affairs Minister Banteidor Lyngdoh-ni jakchi pangchakaniko songe on•angaha.
Ia stadium-ko rikna gita pangchakaniko songe on•angani somoio a•dokni Sports Minister, jinmana aganprakangengon, ia stadium-ko rikna gita a•dok sorkari, gong kror 5.70-ko chame on•ahani gimin ian Ri Bhoi a•jao stadium-rangko rikna tangka paisarangko chamani bang•batgipa ong•aha ine parakangaha.
Ia stadium-ko rikna gita a•dok sorkari, Jirang constituency-ni MLA aro Byrnihat Sports Association-ni president Sostheness Sohtun-ni dilanio tangka paisarangko chame on•aha aro ia stadium-ko rikna gita tangka paisarangko chame on•ahani gimin Sohtun, a•dokni Chief Minister Conrad K Sangma aro Sports Minister Banteidor Lyngdoh-koba mittelpilangaha.
