Shillong, Apr 14: Bristibar salo, Ri Bhoi a•jani bang•a songrangon mikka balwa ta•rakangenba, ia songrango donggipa nok-jamrang nosto ka•ako man•tokaha aro bolrangba pangpikatako man•angaha.

Koborko man•soani gitade, ia jolrango mikka baksa bilakbegipa balwarang balangani a•sel manderangni nok-jamrang, bagan-barirang nosto ka•ako man•aha aro dal•dalgipa bolrangba pangpikatako man•aha.

Mikka balwa ta•rakanganio nangchakeaniko man•batgipa biaprangara, Umsning, Bhoirymbong, Umroi aro gipinrang ong•a.

Mikka balwa baksana stilrangba ga•akangahani a•sel bang•a garirangan nosto ka•ako man•tokaha aro Shillong Bypass-oba garirangni re•na man•gija dongako nikna nangaha.

Indake ong•genchimoba, ia koborko seatengmiting somoiona kingkingde maming mata bu•a man•ani koborrangko man•soa dongkujachim.