Shillong, Dec 2: Sukrobar salo, Meghalaya a•dokni Chief Minister Conrad K Sangma, Ri Bhoi a•jao songdongenggipa manderangni ru•utbea bilsirangna nisenge dongenggipa Patharkhmah Civil Sub-Division-ko songe on•angaha.
The upgradation of the Administrative Unit to a Civil Sub-Division was an important step towards the development of the border villages in western part of Aspirational District Ri Bhoi. I dedicate it to the people. pic.twitter.com/Ig6tehaoPm
— Conrad Sangma (@SangmaConrad) December 2, 2022
Ri Bhoi a•jani Patharkhmah jolo songdongenggipa manderang, batanggimin bilsi 30-na kingking Civil Sub-Division songchina dabitokengahachim aro Sukrobar salo a•dokni Chief Minister, Western Ri Bhoi Administrative Unit-ko ra•doatenba, ia Patharkhmah Civil Sub-Division-ko songe on•angaha.
Patharkhmah Civil Sub-Division-ko songe on•angani somoio a•dokni Chief Minister, jolni manderangna aganprakangengon, Ri Bhoi a•jani saliram jolo donggipa border songrango namroro silroroaniko ra•bana gita ia Administrative Unit-ko Civil Sub-Division songaniara namen nangchongmotgipa ong•engachim ine parakangaha.
Ia salko namen gisik ra•beani sal ine janapatengon, manderangni nanganirangko chu•sokate on•na sorkarina bang•bee pattianirangko on•engani gimin a•dokni Chief Minister, dingtangmancha Nokgipa Isolkoba mittelpilangaha.
Patharkhmah-ko Civil Sub-Division songna gita sorkari baksa agangrikjringahani gimin ua jolni MLA Sosthenes Sohtun-koba mittelpilangaha.
12 Self Help Groups of Patharkhmah Civil Sub-Division received bank loans of ₹14 Lakhs.
The 674 SHGs in the area are a part of the growing ecosystem of empowered women who strengthen the growth of their communities.@girirajsinghbjp @MoRD_GoI pic.twitter.com/3xhowl8oO4
— Conrad Sangma (@SangmaConrad) December 2, 2022
Ia gital Patharkhmah Civil Sub-Division-ko songanio, dol 149 producer group-rang, FOCUS plus-ni ning•o gong lak 1.49-ni cheque-rangko man•aha aro Patharkhmah Civil Sub-Division-ni ning•o donggipa dol 12 self help group (SHG)-rangba gong lak 14-ni bank loan-rangko man•aha.
