Shillong, Feb 17: Re•baenggipa 2023 bilsini Meghalaya Legislative Assembly election-o Umsning constituency-ni MDC Macdalyne S Mawlong-na Nongpoh constituency-o kamrangko dakchake on•na gita Ri Bhoi a•jao sak 100 batpile United Democratic Party (UDP)-ni dilgiparang aro kamko ka•enggiparang jinma doloni ong•katgrimtokaha.
Da•o dipet Umsning-ni MDC Macdalyne S Mawlong, badia doloni Assembly election-o susana miksongenga an•tang parakkujaengoba, ua National People’s Party (NPP) doloni susanaba gnang ine kobor on•timgiparang u•iatskaahachim.
Uandake Bristibar salo UDP-ni membor-rang, Nongpoh-ni Iewmawlong Dorbar Hall-o tom•aniko ong•atangenba, re•baenggipa 2023 bilsini Assembly election-o Mawlong-na kamko ka•skana ine sak 100 batpile UDP-ni membor-rang jinma ong•katgrimtokaha.
UDP-oni ong•katgipa sak 120 membor-rang baksana UDP Ri Bhoi a•jani general secretary Lawrence Nongrum aro gipin dilgiparangba apsan salon UDP-oni kam wate ong•katgrimaha.
