Shillong, Dec 8: Meghalaya aro Assam a·dokni simarango meligrikna man·jaenggipa biaprangona re·ange apsan am·sandianirangko dakani ja·man Budbar salo, Ri Bhoi aro West Khasi Hills a·jani regional committee-rang, Meghalaya a·dokni Chief Minister-na report-ko on·eaha.
Chief Minister-na report-ko on·eani somoio Ri Bhoi regional committee-ni chairman Prestone Tynsong baksana MLA Dasakhiat Lamare, Ri Bhoi a·jani Deputy Commissioner aro gipin official-rangba dongpaaha aro apsan daken West Khasi Hills regional committee-ni report-ko on·eanioba committee-ni chairman Renikton Tongkhar baksana MLA Macmillan Byrsat, MLA Gigur Myrthong aro MLA Brolding Nongsiej dongpaaha.
Report-rangko on·eani ja·man kobor ra·timgiparangna u·iatengon, regional committee-rang da·o report-ko on·manahani gimin Meghalaya aro Assam a·dokni chief minister-rangsa da·o report-ko nie nanga gita ja·kurangko de·anggnok ine Meghalaya a·dokni Deputy Chief Minister Prestone Tynsong parakataha.
Report-o committee-rangni parakgimin kattarangkode uamang parakna jechakskaaha.
Ri Bhoi aro West Khasi Hills a·jani regional committee-rang, an·tangtangni report-rangko on·eahaoba da·o Jaintia Hills regional committee-ni report-kode on·eskakujaengachim.
