Tura, Mar 22: Sukrobar salo, South Garo Hills a•jani police dolrang, Karukol sepangjolni Siju songo dolongko rika cho•ani kamrango nirokaniko dakenggipa manager Akilesh Chauhan-ko, u•ina man•gijagipa manderang rim•srukangahachim, aro ia dolrang, 50 lakh tangkarangko dabienba, sal 3 ni gisepo on•atchina somoioko on•atani jamano am•sandianiko dakenba ning•tugipa buringoniko, uko jokatna man•aha.
Indake, ia mande Uttar Pradesh-ni Lucknow-oni ong•achim, aro ia manager-ko rim•srukangani adita kontarangni jaman, Chauhan-ni nokdangni manderangko 50 lakh tangkarangko sal 3 -ni gisepo on•china inenba dabiataha.
“Ia rim•srukanggipa dolrang, ua rim•srukanga man•gipa mandeko, kam ka•chakenggipa biaponi 10 km mangni gita chel•ao diltubegipa buringo donahachim. Ua biapona sokna gita abri a•kong rama namgijako chinga ja•achi re•na nangaha” inenba South Garo Hills-ni Superintendent of Police Shailendra Bamania aganaha.
Ia rim•srukanga man•gipa mandeko naljokate rimbapilna man•a gita, kobor man•soa bakan Bristibar waljatchionin, naljokatenggipa dolrang am•sandianiko dakna a•bachengataha aro jak donggipa sak 2 manderangko rim•na man•aha, indake ong•genchimoba uamangoni sak 2 manderang ua biaponi kate jokangna man•aha ineba ua agandapataha.
Ia rim•a man•gipa manderangara, South Garo Hills a•jani ning•o ong•gipa Durabanda songgital-oni, Albensten D Sangma-ni depante, bilsi 30 ong•gipa Wilban M Sangma aro Baghmara Police Station-ni ning•o ong•gipa Mindikgre-ni Upper Dosogre songni, Sotin M Sangma-ni depante, Bilsi 29 ong•gipa Withmil S Marak ong•achim aro iana skangba uamang bobil dake chakatanggipa dolrang baksaba bakrimaha inenba u•ina gita man•aha aro iani bidingo Siju Police Station-o mokordoma-koba segatangaha.
Indake, ia dolrang, rim•srukaniko dakna inenba namen chanchisamsoaniko dakesa, rim•srukangaha aro uamangni dongchakenggipa biaponi gipin rama gita dilsretna mangsonge tarisamsoanikoba dakahachim, indake ong•genchimoba, technical data ba ua jolo songdongenggipa manderangni dakchakaniko man•enba chongmotgipa biapona sokena man•aha aro rim•srukanga man•gipa mandeko jokatna man•aha ineba police chief janapataha.
Na·simang iakoba poraina man·gen:Chasong 7 ni gisepo ian skanggipa changna, Agartala-ni Lok Sabha election-o BJP baksa susagrikna Cong aro left party-rang apsan bakrima
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
