Shillong, May 2: Meghalaya a•doko Roster system-ko ra•gatani gimin ia May jaoni tom•e chanchirimanggen ine Mongolbar salo, Meghalaya a•dokni Chief Minister Conrad K Sangma parakataha.
Chief Minister-ni parakatani gitade, a•doko roster system-ko ra•gatani bidingo chanchirimna gita May 15 tarikni ja•man tom•aniko ong•atgen aro ia tom•anio dingtang dingtang department-ni official-rang, dingtang dingtang dolni membor-rang aro gipinrangba bakko ra•anggen.
Ia tom•aniona pilakkon okamgen ine janapatengon, ia tom•anioba MDA-o bakrimenggipa dolrangko, pilak political dolrangko, dingtang dingtang dolrangko, toromni dilgiparangko aro nangchongmotgipa manderangkoba okamatgen ine Sangma parakataha.
Ia roster system-ara Scheduled Tribe, Scheduled Caste aro Other Backward Class (OBC)-rangna sorkarini kamrangko aro lekka poranirangko ra•anio kanggimin biaprangko tikatna dongimin niam ong•achim.
Ia roster system-ni bidingo dingtang dingtang dolrangni jera ra•grikenggipani gimin janapatengon, dingtang dingtang department-rangni mesoke on•anirangkoba sorkari ra•aha aro ia pilakkon da•o Cabinet nipilenga ine Chief Minister parakataha.
May 15 tarikni ja•man state level-o chanchirimani ja•man district level aro nangani kri pilak dolrang baksa chanchirimanggen ineba Sangma parakataha.
Iakoba poraie nina man·gen: Sohiong seat-ko NPP chegen ine Conrad ka•dongenga
