Shillong, May 6: Sorkari kamna rakkiani bidingo roster systemko ra•gatani bidingo a•dok sorkari ta•raken high courtna aganchakna tarigiminko ru•utgijaan pakwatangna sienga. “Ia rosster system gita kamna rakkiani aro uko tik dake donaniara adita engdik-engsi dakgipa kam ong•a. Pilak departmentrangko iani bidingo sandirikkotna nangchenggen. Ru•uta bilsirangna ia niam gita kam ka•jani gimin iako tarina altuabea ong•jaenga. Unigimin iako salsa salgni, antisa antignini gisepo matchotatna nengrabeani ong•ja” ine a•dokni skotong minister Pa Conrad K Sangma kobor ra•timgiparangna cabinet tom•a ja•man aganaha. “Ian namen rakbegipa chanchina nangani ong•enga, ianigimin sorkari dingchikbeen kam ka•enga. Unigimin iako ru•utgijaan chu•sokate on•a ka•dongsoenga ineba skotong minister agandapaha.
Roster system gita kamna rakkina nangani gimin mija April jani 20 tariko Meghalaya high court a•dok sorkariko anti gittamna somaiko on•e didiangahachim ine nikatna man•a.
