Guwahati, March 26: Assam a·doko songdonggipa tribal manderangko gipin toromko ra·atengani kosako jegale district damantini sak hajal ko·tok manderang Robibar salo, a·dokni skotong Guwahati songjinmao RSS-ni jako ra·enggipa Janajati Dharma Sanskriti Suraksha Manch (JDSSM) ni bimingo dal·e re·jomaniko ong·atangaha.
Re·jomaniko ong·atanio RSS-ni jako ra·enggipa organisation, toromtangko wate gipin toromko ra·gipa manderangko Scheduled Tribes (ST)-oniko biming den·galchina dabiangan baksa India-ni Constitution-o donggipa Article 342A-ko taridapchinaba sorkario dabiangjolaha.
“India jakgitelna skangan manderangko gipin toromona rimangani kamrang dongengani gimin a·songni ST manderangna jajreangni ong·enga aro ian da·osan ong·aija, batanggimin baditaba chasongrangoni ong·enga aro batsa-batrikrikenga ine JDSSM-ni co-convenor aro padotba ong·enggipa Binud Kumbang, koborni manderangna parakatan baksa, a·songgipinni toromko ra·china mongsongbate ST jatrang didianiko man·batenga ineba ua Christian toromona pil·atenganiko miksonge aganangaha.
Organisation-ni a·kangangani gita, India a·song gimiko Christian toromo bebera·giparang salgro salaramo a·jao bang·bata jeon, 2011 bilsini Census gita India a·song gimiko donggipa kror 2.87-mang Christian beberagiparangoni lak 78 mangni gitade Assam-ko man·chape salgro-salaram a·jaoni ong·a.
Iakoba poraie nina man·gen: Sal 3-na ong·atangggipa VC-rangni national conference matchotanga
