Shillong, Jan 04: Ia bilsio ong·nasienggipa assembly election-na mikkang-mikkang memborrangni doltangtangoni ong·kate gipin dolo napangskaani koborrangko knasona gita man·engon, ia antini gisepo sakgittam gipin MLA-rangni National People’s Party (NPP) dolo napetokna am·engani gimin Butbar salo koborko man·soani gita, da·o Cabinet Minister ong·enggipa aro Mylliem-ni MLA Pa Hamletson Dohling, Umsning-ni MLA Pa Jason Sawkmie Mawlong aro cabinet minister gitcham aro Sohiong-ni MLA Samlin Malngiang-maang Sukrobar, Sonibar aro January 10 tarikrango niam gita NPP dolo ja·napetoknasienga.

NPP dolo napetoknasienggipa sakgittam MLA-rangoni Pa Hamletson aro Pa Jason-maangara People Democratic Party (PDF) doloni ong·a, indake Pa Malngiang-ara Hill State People’s Democratic Party (HSPDP) doloni ong·skaa.