Agartala, Dec 12: Indiani salgro-salaram a·dokranga a·songni mikkim rasong aro ripok do·katchi ong·a; bang·a a·barangon ia joloniko bikotkugija gamrang dongkuenga ine Indian cricket team-ni captain gitcham aro BCCI-ni dilgipa ong·anggipa Sourav Ganguly aganaha.
“A·bachengode cricket kal·gipa ong·e aro uni ja·mano dingtang dingtang bewalrango anga Tripura a·dokona batanggimin bilsi 35ni gisepo sokbarongenga, aro Tripura tourismni brand ambassador ong·e ia angna gisik ka·tongni gita nangchakbeani ong·a. Tripura tourismni brand ambassador ong·e anga re·baenggipa bilsi gittamna Tripurani tourismko ra·dona jotton ka·engon cricketnaba kam ka·jolgen.”
Tripurao cricket kal·aniko ra·dona gita a·dok sorkari nangnikode ua dakchakna pangnan kusi ong·a, salgro-salaram a·dokni manderang katsusaa bilsusaanio dingtangmancha pattia man·giparang ong·a ineba ua aganaha.
Tripura tourismni brand ambassador ong·na mingako man·e Sourav Ganguly aro Tripura a·dokni gisepo re·anggipa Sombar salo katta mingrike soi ka·grikaha.
Cricket kal·ania kal·susaani ong·ana bateba gisik ka·tongni gita aganengon, cricketna nanggipa kamrangna, mongsongbate kal·chakramna, sorkari bang·bata tangkako chame kam ka·ode Tripurao dal·gipa cricket tournamentko ong·atna amgijani ong·jawa ine Ganguly aganaha.
Sourav Ganguly baksa dol dakania uni inditan mingsinganiko jakkale Tripurani tourismko tang·doatna gita ong·a ine a·dokni tourism minister Sushanta Chowdhury aganaha.
Iakoba poraie nina man·gen: Harijan Colony-ko apjitanio politics kal•na jotton ka•enga ine VPP-ko Dy CM matnanga
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
