Ampati, Sep 30: Development Commissioner (Handicrafts) Office-ni ning•o on•enggipa dingtang dingtang scheme-rangni bidingo u•iataniko on•a miksonge, salsani Handicrafts Workshop-ko Sombar salo South West Garo Hills a•jani Ampati-o donggipa BADO Multi Facility Hall-o ong•atangaha.
Ia awareness program-ko, Ministry of Textiles-ni Handicrafts Service Centre, sol•na rep•na aro sikna kona changgipa manderangna aro dingtang dingtang dolrangna Geographical Indication-o an•tangtangko segatani, e-commerce, GEM Portal, GST aro uandake apsandakgipa katta bichongrangko ra•e skie on•a miksonge ong•atangaha.
Indake, Northeast Region Office, Guwahati-ni Regional Director, ia Workshop-ko ong•atani miksongani bidingo talate on•angaha aro uni joljol Ampati-ni District Commerce and Industries Centres-ni Functional Manager, sol•na rep•na sapgipa manderangna chakpaaniko aro dakchakaniko on•a nangchongmotani gimin aganangskaaha.
Ia tom•anio, Ampati-ni ADC, Wilfred Challang R. Marak aro DCIC-ni Functional Manager, Cherak R. Marak, mongsonggipa sokgipa ong•e, jaktangchi tarigipa bosturangko bading chiwale janggi tangani gadangko tang•doatani bidingo agantalate on•angaha.
Una agreba, Development Commissioner (Handicrafts)-ni ning•o on•enggipa scheme-rang, jaktangchi tarigimin bosturangko gipin biapchina badingchiwalani, bading chiwalanio chu•sokgni cholrang, Mudra aro PMJJBY scheme-rangni bidingo gipin officer-rang talate on•angskaaha aro Prime Meghalaya-ni dilgiparangba, jolo sol•na rep•na aro sikna kona sapgipa manderangna tangka paisani gita dakchakaniko on•ani gimin chanchirimanikoba dakangaha.
Ia program-o, bak ra•enggipa dolrangoni handicrafts sector-ni bidingo sing•aniko dakna aro uarangni gimin u•ie ra•na cholkoba man•angaha.
Na·simang ia video-koba nina man·gen:
Na·simang iakoba poraina man·gen: WB-ni Darjeeling aro Kalimpong a•jarango cha bagano kam ka•giparang champengataniko dakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
