Shillong, Mar 13: Science and Technology-ni Union Minister Dr. Jitendra Singh, Mawdiangdiang, Shillong-o rikenggipa North East Centre for Technology Application and Reach (NECTAR) campus-na pangchakaniko songe on·angaha.
Minister Dr. Jitendra Singh, ia tom·anio jinmana aganprakengon, NECTAR-ni permanent campus-ko aro State Technology Demonstration Centre-ko a·bachengate on·a man·ahanina kusi ong·aniko parakangaha.
Indake NECTAR-ko 2014 bilsio Prime Minister Narendra Modi-ni sorkari a·bachengate on·aha ine janapengon, uni dilenggipa sorkarini a·selsa da·alo salgro salaram jolrangonaba NECTAR-ko gipatna man·aha aro uasan ong·aigija, NECTAR-ni ning·o Mission Saffron-koba 2021-o a·bachengataha aro salgro salaram jolrango saffron-ko ge·a gamanikoba a·bachengate on·aha ine aganaha.
Iana agreba, dingtang dingtang school-rangoni chatro chatrirangko dingtang dingtang Technology jekai, electronics, robotics aro 3D printing-rango bil gnangatna miksonganio Shillong-o STEM Education Lab-ko, IISER Pune aro Smart Village Movement baksa nangrime a·bachengatahaninaba ua de·mittelangaha.
Una agreba, drone technology-ko chalaianio NECTAR-ni mongsonggipa bakko ra·e kam ka·engani bidingo janapatan baksa, GIS aro remote sensing technology-rangko jakkale Morigaon, Dhubri aro Majuli a·jarango chi ban re·aniko komiatna gita NECTAR-ni kam ka·engani bidingoba Dr. Jitendra Singh janapangaha.
Ia tom·anio, Beekeeping aro Honey Mission-ko chu·sokatna NECTAR-ni kam ka·engani bidingoba chanchirimaniko dakangaha.
Na·simang ia video-koba nina man·gen:
Na·simang iakoba poraina man·gen: Byrnihat-o balwa moila ong•aniko namatna Assam aro M’laya nangrime kam ka•gen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
