Tura, June 8 : Tura Dakopgre-ni P. A. Sangma Stadium-o ong•atenggipa, Tura Football League-ni Super Division-o Selsella SA, BOCA Juniors-ko 2-0 goal-rangchi amatenba, 2-gipa finalist ong•aha.
Skanggipa whistle sikaoni, dolgnian goal-rangko chipna jotton ka•beoba, darangba chu•sokna gita man•jaha.
Indake ong•genchimoba, skanggipa neng•takani jaman, Selsella SA an•tangni doltangna, chongmotan Chingku Moring M Sangma 41-gipa minute ong•o goal-sako aro Chichang Momin 42-gipa minute-o goal-sako chipatenba doltangna goal-gniko ra•baaha.
Skanggipa neng•takani atha-gipa bako Selsella SA 2-0 goal-rangko man•aha, jekon BOCA Juniors batna gita neng•nikengachim.
2-gipa neng•takani jamano, darang dolba goal-rangko chipna gita man•jaha, iani gisepon Selsella SA-ni Artrish Ch Marak-na, mikrakataniko on•a gita 59-gipa minute-o rimit ba yellow card-ko una on•aha.
Bon•kamgipa kal•ani somoiona kingkingba darang dolba goal-rangko chipdapna man•jaenba, skanggipa neng•takani jaman Selsella SA-ni chipgipa goal-gnian, BOCA Juniors-ko amatna gita man•aiaha.
Super Division-ni final-o namen ga•subegipa kal•aniko nikna ka•dongsoenga, maina semi final kal•anio, Chipakkore FC, Selsella SA-ko amatahachim. Dolgnian ia robol kal•susaanio nambatsranggipa dolrang ong•enba, uamangni dolsa dolgipin baksa susagrikaniko nina namen ga•subegipa ong•na sienga. Ia Tura Football League-ni final super division-ko re•baenggipa June jani 15 tariko, P. A Sangma stadium-o ong•atanggen, aro ia robol kal•susaani bon•kamgipa bakko ga•subee ong•atna gita, District Football Association-ni gita tarisamsoanirangko a•bachengataha.
Na·simang ia video-koba nina man·gen:
Na·simang iakoba poraina man·gen: Rahul Gandhi-ko Opposition dolni dilgipana seokna on•gimin resolution-ko Congress Working Committee ra•chaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
