Ampati, June 29: South West Garo Hillsni Anangpara aro ua jolo donggipa biaprangoni bilsi re•anggimin manderangna awareness programko ong•atangaha.
Ia programko District Social Welfare Officerni gita buchuma-budepa ba uandake bilsi re•anggimin manderangna uamangni bil aro uamangko nirok-simsake jakkalna nangani bidingo ong•atangaha. Dedrangrangchi watgalako man•gipa buchuma-budepa ba ma•a-paarang, ba uandake dedrangchi kragija aro ka•saninggija jakkalako man•gipa manderangna niamni gita jak de•na man•ani bidingo aro uandakgipa gipin niamrangni bidingo Betasing CDPO aro District Social welfare Officer Zanera R Marak talate on•angaha.Bilsi re•anggimin ma•a-paa rangko simsakna nangani bidingoba ia programo agan-talate on•angaha.
