Shillong, Mar 30: Shillong songjinmani Bethany hospital, uamangni reproductive centreko a•bachengatangaha. Ia centreko Butbar salo Health & Family welfare ni secretary Rosetta M Kurbah Bethany hospitalni auditoriumo oprake on•angaha. Ia centre bi•sa man•gijagiparangna dakchakbeani ong•gnok, maina iano IUI-Intrauterine Insemination IVF aro ICSI Intracutoplasmic sperm Injection aro indakgiparangko dakna man•gnok.
“Bi•sa ba•gija dongenggiparang uchi-ichi samra-sampilna re•jojona nangjawaha. Bi•sa ba•gijagiparangna iano sananiko altuen ra•na man•gnok’ ine Kurbah oprake on•ani somaio aganaha.
Bethany hospitalni IVF ni consultant aro infertility specialist Dr. Batiaton D Waanbahni aganani gitade bi•sa ba•gijagipa me•chikrang na iano IUI, IVF aro ICSIni level-1, level-2 ba level-3 ni sananirangna agreba iano an•chi porikka ra•e niani, x-ray aro ultrasoundkoba dakna man•aignok. A•gilsak gimiko million 80 oni million 60- ona bang•a jora-rangan bi•sa ba•na skoba man•gijagiparang gnang. Bang•bataan segipa aro jikgipani ia saa dongani a•selo iako chagrongna nangronga. An•chingni India a•songo 25 percent ni gita jikma-jikse ong•giminrang bi•sa man•tokja. Iandakgipa manderangna ia centre dakchakbeani ong•gen ineba Dr. Waanbah aganaha.
Ia dal•begipa chu•sokanina East Khasi Hillsni DC Isawanda Laloo Bethany hospitalko mittel-mitchuangaha. Ia tom•anio Bethany hospitalni director Achula D. Sailo, IVF consultant Dr. Waanbag aro Rev.Lyndan Syiemba bak ra•angpaaha.
