Shillong, May 26: Bristibar salo, Meghalaya a·dokni Health Minister James K Sangma, Shillong Civil Hospital-ni biological waste management system, 10 bedded geriatric ward aro PSA Oxygen Plant-ko a·bachengate on·angaha.
Ia tom·anio a·dokni Health Minister, jinmana aganprakangengon, manderangna nambatgipa sanna bananirangko on·anichi a·dok sorkari, an·seng baljokani a·bako namdapatna krengenga ine parakangaha.
Meghalaya a·dok ka·sinsin namroro silrorobaengaha ine janapatengon, Shillong Civil Hospital-ko nambatgipa gadango ong·atna sorkari kam ka·engaha aro ia hospital-ko namdapatahaon gipin hospital-rang ia hospital-ni gadangko sokrikjawaha ine Health Minister parakataha.
Ia hospital-ko namdapatanichi bilonge sagipa manderangko sanna bane on·an baksana budepa butchumarangnaba nambate nirok sandianiko on·na man·gnok ineba ua aganaha.
Ia tom·anio sorkari official-rang aro hospital-o kam ka·enggiparangba dongpae bak ra·angaha.
