Shillong, Feb 21: Janggi tangani cholgri ong•e dongenggipa chadamberang, an•tangtangan bading chiwalanirangko a•bachenge gipinrangnaba janggi tangani cholrangko on•skana man•na gita Shillong songjinmani Institute of Hotel Management (IHM)-o bakery ba cake, biscuit aro uandakgipa cha•anirangko tarina indin skie on•na a•bachengataha.

Cake, biscuit aro uandakgipa cha•anirangko tarianio gisik nanggipa chadamberangna maming koros nanga grian ia IHM-o cha•anirangko tarina skie on•anggen aro training ba skie on•ani matchotani ja•manoba, skie ra•gimin chadamberang, an•tangtangni bading chiwalaniko a•bachengatna man•na gita ia IHM-an tangka paisarangkoba dakchake on•gen.

Ia program-ko Shillong-ni IHM, North Eastern Council (NEC) baksa nangrime a•bachengatenga.