Shillong, May 1: Meghalaya a•dokni skotong Shillong songjinmao police station, police-rangni gari aro sorkarini ma•manti gam-jinrangko petrol bomarangchi chadrapanirang batroroengani gimin chel•chakanirangko bariataha aro pilak sorkari office-rangkon mikrake dongchina u•iataha.
Iani bidingo kobor ra•timgipa manderang baksa agangrikengon, Mongolbar attamo East Khasi Hills a•jani Superintendent of Police (SP) baksa agangrikenba, walni somoirango chel•chakanirangko bariataha ine Budbar salo, East Khasi Hills a•jani Deputy Commissioner SC Sadhu u•iataha.
So•sojengjeng ong•anirangko chel•chakna gita a•jani SP, dingtangmancha chanchienba ja•kurangko de•chakataha ineba ua aganaha.
Petrol bomarangchi godapenggipa manderangko rim•na gita police-rang ja•kurangko de•engaha aro iani bidingo uamang ja•mano jinmana u•iattaigen ineba DC aganaha.
Sadhu-ni parakatani gitade, pilak sorkari office-rangon gari gorarangko aro pilak gam-jinrangko naljokate donchina gita sorkari agan-ku•pattianirangko on•atmanaha.
Budbar salo, Sadar police station, Rynjah police station aro Rilbong-o donggipa MGCC-ni office-ko ma•sina man•gijagipa manderang petrol bomarangchi godapahachim.
Iana skang, April-ni 3 tariko Mawlai police station-ko, April-ni 24 tariko NEEPCO-ni official-ko dilangenggipa police-rangni gariko, April-ni 26 tariko a•dokni Deputy Chief Minister Sniawbhalang Dhar-ni nokko aro April-ni 30 tariko Jowai police reserve-o donggipa garirangkoba petrol bomarangchi godapahachim.
Na·simang ia video-koba nina man·gen:
Na·simang iakoba poraina man·gen: Tura Government College, sal 3-ni Soft Skill Workshop-ko ong•atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
